Шешендіктің анасы – демократия. Сөздің дәлдігі-ойдың айқындылығы
Сабақтың барысы: І.Үй тапсырмасын тиянақтау: 42-жаттығу. Мәтінді оқып, мазмұндау. 3 сөйлемге синтаксистік талдау жасау. Анақарыс-скифтерді ата-бабасынан билеп келе жатқан хан тұқымы. Нағыз қаракөк тектілігі үзілмеген тұқымнан тараған. Шешесі грек қызы, сондықтан да эллада тілін үйреніп өскен. «скифтерді, Анақарыс, тектілігі, тараған» сөздеріне морфологиялық талдау жасау ІІ. Жаңа сабақ: Өркениет және Қазақстан. (тақырып төңірегіндегі сөйлесу) ІІІ. Шешендік және сөз мәдениеті. Шешендіктің анасы-демократия. Шешендік сөз ақыл-парасатқа негізделсе, мазмұнды болады.Шешен сөзінің мазмұндылығы сөйлеушінің ақыл-ой дәрежесіне, жан-жақты біліміне байланысты. Шешендік ғылымның теориясын жасағандардың бірі- Цицерон.Ол жақсы шешен болу үшін жан-жақты білім керектігін айтқан.Оның өзі ғылымның барлық салаларынан хабардар болған. Гуманитарлық білімге қоса жаратылыстану ғылымдарын меңгерген.Сондықтан ол кез келген тақырыпта еркін, мазмұнды сөйлей алған.Мазмұнды сөз тыңдаушыға қуаныш әкеледі. Қазіргі кезең-ғылым мен техниканың жақсы дамыған кезі. Әдеби тіліміз ғылыми терминдерге бай. Әр түрлі мамандардың сөйлеу тілінде терминдердің жиі қолданылуы заңдылық.Бірақ сөйлеушілер терминдердің мағынасын дұрыс түсінгенде , орнымен дұрыс қолданғанда ғана іскерлік шешендіктің мазмұндылығы артады. Сөз мазмұнды , әсерлі болу үшін, шешен алдын ала мынаны ескеруі керек: Кімдердің алдында сөйлейді Қандай мәселелер аудиторияны қызықтырады Сөздің мазмұнында тың мәліметтер мен дәлеледемелер жеткілікті ме? Авторлық көзқарасы, қорытынды түйіні бар ма? ІҮ. Бекіту: 44-жаттығу (50-бет) 1. оқу, түсіну, мәтінге ат қою, жоспар құру. 2. «аузында,тұтқындарына, болды» сөздеріне морфологиялық талдау жасау 3. Ақсақ Темір бейітіне әйгілі оқымысты немересі Ұлықбек түсі көк, аса зор нефрит тасын қойған. Сөйлемді сөйлем мүшелеріне талдаңыз. 4. термин сөздерді атаңыздар: нефрит, цифратаңбалар *45-жаттығу (50-бет) Ү.Қорытындылау ҮІ. Бағалау, үйге тапсырма: Шешендік және сөз мәдениеті. Шешендіктің анасы-демократия-әңгімелеу